Skymet alert on Monsoon: मान्सूनवर एल निनोचं सावट, महाराष्ट्रात पाऊस कसा असेल? स्कायमेटचा पहिला अंदाज

गेल्या वर्षी पावसाला आता तू जा! इतकं म्हणायची वेळ आली होती, नको तेवढा पाऊस झाला. यावेळी मात्र पावसाची ओढ लागणार आहे. यावेळी मान्सूनवर एल निनोचं सावट आहे. त्यामुळे पाऊस आणि पाण्याचा प्रश्न मोठा असणार आहे. शेतीवर संकट ओढवू शकतं. मान्सूनबाबत स्कायमेटनं धोक्याचा इशारा दिला आहे.२०२६ चा मान्सून सरासरीच्या तुलनेत ९४% राहील असा अंदाज आहे. पावसाचा प्रवास अत्यंत अडखळत होण्याची भीती व्यक्त करण्यात आली आहे. विशेषतः जून महिना तसा स्थिर असला, तरी जुलै ते सप्टेंबर या मुख्य काळात पावसाचा जोर ओसरू शकतो.