भोंदू खरातने पहिली हत्या कधी आणि कुणाची केली? जितेंद्र आव्हाडांनी 19 वर्षापूर्वीचं ते प्रकरण बाहेर काढलं

नाशिक :   नाशिकच्या भोंदू अशोक खरातच्या पापांचा पाढा वाचला जात असतानाच, आता त्याच्या गुन्हेगारी विश्वातील एक अत्यंत धक्कादायक आणि जुने प्रकरण समोर आले आहे. खरातने आपल्या गुन्हेगारी प्रवासाची सुरुवात केवळ फसवणुकीने नाही तर चक्क एका पत्रकाराच्या हत्याने केल्याचा खळबळजनक आरोप राष्ट्रवादी काँग्रेस शरद पवारांच्या पक्षाचे आमदार जितेंद्र आव्हाड यांनी विधानसभेत केला आहे. 2007 मधील बाळू तुपे हत्याकांडाची फाईल आता पुन्हा उघडण्याची शक्यता निर्माण झाली असून मुख्यमंत्री देवेंद्र फडणवीस यांनी या प्रकरणाच्या चौकशीचे संकेत दिले आहेत.