Jalna Rain Update: मुसळधार पाऊस, घाणेवाडी जलाशय तुडुंब, ओव्हरफ्लो झाल्यास जालन्यात पुराची भीती

जालना: राज्यात मागील काही दिवसांपासून पावसाचा जोर वाढला आहे. मराठवाड्यातही अनेक ठिकाणी मुसळधार पावसाने हजेरी लावली आहे. यामुळे धरणांमधील पाणीसाठ्यात मोठ्या प्रमाणावर वाढ होण्यास सुरुवात झाली आहे. जालना शहराला पाणीपुरवठा करणारे घाणेवाडी धरण तुडुंब भरले असून नागरिकांच्या पिण्याच्या पाण्याची चिंता मिटणार आहे. असं असलं तरी, धरण ओव्हरफ्लो झाल्यास पुंडलिका नदीला पूर येण्याची भीती निर्माण झाली आहे.