'अजित पवारांनी महायुतीचा प्रोटोकॉल तोडला', गिरीष महाजनांचा हल्लाबोल

नितीन नांदुरकर, प्रतिनिधी जळगाव: स्थानिक स्वराज्य संस्थांच्या निवडणुकीच्या पार्श्वभूमीवर महायुतीमधील तिन्ही पक्षांमध्ये सध्या जोरात इनकमिंग सुरू आहे. महाविकास आघाडीच्या विविध पक्षातील नेते, पदाधिकारी आणि कार्यकर्ते सातत्याने सत्ताधारी पक्षात प्रवेश घेताना दिसत आहे. दरम्यान, शनिवारी दोन माजी मंत्री, चार माजी आमदारांसह शेकडो पदाधिकारी आणि कार्यकर्त्यांनी राष्ट्रवादी अजित पवार गटात प्रवेश केला आहे. पण या पक्षप्रवेशामुळे जळगाव जिल्ह्यात महायुतीत मिठाचा खडा पडला आहे.