५१ टक्के सभासद एकत्र आले तरी.., सोसायटीत राहणाऱ्या लोकांसाठी शासनाचा मोठा निर्णय

सोलापूर : शहरासह राज्यातील अनेक ठिकाणी एकाच प्रकारची समस्या सातत्याने समोर येत आहे. इमारतीचे बांधकाम पूर्ण होते, फ्लॅटधारक राहायला येतात, मात्र त्यानंतर सहकारी गृहनिर्माण सोसायटी स्थापन करण्याच्या टप्प्यावर बिल्डर अडथळे निर्माण करतो. “सोसायटीची गरज नाही”, “अपार्टमेंट पद्धतच योग्य आहे” अशा कारणांमुळे अनेक ठिकाणी फ्लॅटधारक संभ्रमात पडतात. मात्र, कायद्यानुसार बिल्डरच्या परवानगीशिवायही सोसायटी स्थापन करता येते, अशी माहिती सहकार विभागाच्या अधिकाऱ्यांनी दिली आहे.