अजितदादा ज्येष्ठ नेते, ते पैसे घरी घेऊन जाणार नाहीत, हसन मुश्रीफांचे शिरसाटांना खडे बोल

कोल्हापूर : निवडणूक काळात मतांसाठी सुरू केलेल्या योजनांचा राज्याच्या तिजोरीवर आर्थिक भार अधिक झाल्याने इतर खात्यांचा निधी वळता करण्याची दुर्दैवी वेळ राज्य सरकारवर आली आहे. वंचित पीडितांसाठी असलेले सामाजिक न्याय आणि आदिवासी विभागाचे खात्यातून निधी वळता करण्याचा पर्याय अर्थखात्याने अवलंबिला आहे. यावर शिवसेनचे नेते, सामाजिक न्याय खात्याचे मंत्री संजय शिरसाट यांनी संताप व्यक्त करीत सामाजिक न्याय खात्याची गरज नसेल तर खाते बंद केले तरी चालेल असे सांगत अजित पवार यांना घेरले. अर्थ खात्याचा मनमानी कारभार चालल्याच्या शिरसाट यांच्या आरोपावर मंत्री हसन मुश्रीफ यांना विचारले असता त्यांनी शिरसाट यांना सुनावले.