Weather Alert: एप्रिलच्या दुसऱ्या आठवड्यात महाराष्ट्रात कसं राहील हवामान?

एप्रिल महिन्याचा दुसरा आठवडा सुरू झाला आणि पावसानेच एप्रिल फूल केला अशी अवस्था झाली आहे. 3 एप्रिलनंतर पावसाचा जोर कमी होईल असं वाटलं होतं मात्र ८ ते ९ एप्रिलपर्यंत कमी अधिक प्रमाणात महाराष्ट्रात पावसाचं प्रमाण राहणार आहे. विदर्भात वादळी वाऱ्यासह मुसळधार पाऊस हा 9 एप्रिलपर्यंत मुक्कम करणार असल्याचा अंदाज हवामान विभागाने दिला आहे. दुसरीकडे मुंबईसह उपनगरात सकाळी आणि संध्याकाळी काही अंशी ढगाळ वातावरण राहात असून दुपारी उन्हाचे चटके जाणवत आहेत.