दोघांनी हातपाय पकडले, दोघांकडून तलवारीने वार, सोलापुरात मनसे नेत्याची हत्या कशी झाली? सगळा घटनाक्रम

महाराष्ट्र नवनिर्माण विद्यार्थी सेनेचे शहराध्यक्ष बाळासाहेब सरवदे यांच्या हत्येनं संपूर्ण महाराष्ट्रात खळबळ उडाली आहे. उमेदवारी अर्ज मागे घेत असताना झालेल्या वादातून सरवदे यांची निर्घृण हत्या केली. सोलापूरातील प्रभाग क्रमांक २ मधून बाळासाहेब सरवदे यांच्या वहिनी रेखा सरवदे इच्छुक होत्या. त्यांनी अपक्ष उमेदवारी अर्जही दाखल केला होता. हाच अर्ज मागे घेण्यावरून भाजपच्या उमेदवार शालन शिंदे यांचे पती शंकर शिंदे आणि बाळासाहेब सरवदे यांच्या गटात राडा झाला. याच राड्यातून बाळासाहेब सरवदे यांची निर्घृण हत्या करण्यात आली.