संक्रांत जवळ आलीये, पण पुण्यातील कुंभार बांधवानं सांगितलं धक्कादायक वास्तव, Video

गेल्या काही वर्षांपासून मडकी घडवण्याचा खर्च मोठ्या प्रमाणात वाढला आहे. पूर्वी माती सहज उपलब्ध होत होती, मात्र आता माती विकत आणावी लागते. त्यासाठी वाहतुकीचा अतिरिक्त खर्च येतो. एका ट्रॅक्टरसाठी किमान 25 ते 30 हजार रुपये खर्च येतो, असे अजय शिंदे यांनी सांगितले. यानंतर कामगारांचा खर्च असतो. एका फेरीत साधारण 8 ते 10 हजार मडकी तयार होतात. मात्र मडकी घडवताना काही फुटतात, तर काही खराब होतात. त्यामुळे प्रत्यक्ष विक्रीसाठी उपलब्ध मडक्यांची संख्या कमी होते, असंही शिंदे सांगतात.

पूर्वी कुटुंबातील प्रत्येक महिलेसाठी स्वतंत्र खण घेतला जात असे. आता अनेक ठिकाणी एकच खण घेतला जातो. त्यातच खणाच्या दरातही कमी-जास्तपणा केला जातो. या सर्व कारणांमुळे मडकी व्यवसायातून पूर्वीसारखा नफा मिळत नसल्याचे अजय शिंदे यांनी सांगितले.