Chhatrapati Shivaji Maharaj : विधिमंडळ आवारात शिवरायांच्या अश्वारूढ पुतळ्याचा महायुतीला विसर? समोर आली मोठी अपडेट

मुंबई : छत्रपती शिवाजी महाराजांचे नाव घेणार्‍या महायुती सरकारला त्यांनीच केलेल्या घोषणेचा विसर पडला असल्याचे चित्र आहे. विधानभवन परिसरातील छत्रपती शिवाजी महाराजांचा अश्वारूढ पुतळा बदलण्याचा निर्णय घेऊन सुमारे दीड वर्ष उलटूनही सरकारकडून कोणतीही ठोस कारवाई करण्यात आलेली नाही. यासंदर्भात स्थापन करण्यात आलेली समितीही निष्क्रिय असल्याचे स्पष्ट झाले असून, छत्रपतींच्या पुतळ्याच्या बदलाकडे महायुती सरकारनेच दुर्लक्ष केल्याचे चित्र आहे.