Ambedkar Jayanti 2025: दीक्षाभूमी ते चैत्यभूमी! जालन्याच्या इंजिनिअरची 1000 किलोमीटरची सायकलवारी

लोक संविधानाविषयी विचारत आहेत. डिजिटल माध्यमातून मी संविधानाचा प्रचार प्रसार करत असून माझ्याकडे दोन बारकोड आहेत. या बारकोडच्या माध्यमातून स्कॅन केल्यानंतर व्हिडिओ स्वरूपात आणि टेक्स्ट स्वरूपात संविधान उपलब्ध होते. ज्यांना जे सोयीचं आहे, त्यानुसार ते संविधानेच आकलन करू शकतात, असंही विनोदने सांगितले.

या प्रवासादरम्यान वाढलेली उष्णता आणि बदललेले वातावरण यामुळे थोडासा त्रास जाणवत आहे. मात्र 13 एप्रिल रोजी सायंकाळपर्यंत मी दीक्षाभूमी इथे पोहोचणार आहे. हा प्रवास करून अत्यंत आनंद मिळाला. याआधी देखील मी जालना ते स्टॅच्यू ऑफ युनिटी, जालना ते कळसुबाई शिखर प्रवास केला आहे. तसेच पर्यावरणपुरक वारी अंतर्गत जालना ते पंढरपूर रस्त्यावर सीड्स बॉल टाकण्याची मोहीम हाती घेतली. एक पर्यावरण प्रेमी आणि सजग नागरिक म्हणून मला या गोष्टी केल्यानंतर समाधान मिळत असल्याचे विनोद सुराळकर यांनी सांगितलं