हॉटेलमध्ये आले, जेवण केलं, जाताना दोघांचा रक्तरंजित कांड, जालन्यात मालकाला पाडलं रक्ताच्या थारोळ्यात

रवी जैस्वाल, प्रतिनिधी जालना: जालना शहरातील छत्रपती संभाजीनगर रोडवरील एका हॉटेलमध्ये धक्कादायक प्रकार घडला आहे. इथं दोन जणांनी जेवणाचं बिल मागितल्याच्या कारणावरून हॉटेल मालकासह एका सहकाऱ्यावर चाकुने वार केले आहेत. या हल्ल्यात दोघेजण जखमी झाले आहेत. या प्रकरणी पोलिसांनी दोघांवर गुन्हा दाखल केला आहे. यातील एका आरोपीला अटक करण्यात आली आहे. तर दुसरा आरोपी फरार आहे. पोलीस फरार आरोपीचा शोध घेत आहेत. ही घटना शहरातील छत्रपती संभाजीनगर रोडवरील 'बिस्मिल्ला' हॉटेलमध्ये घडली.