Reels Competation: रिल्स बनवा अन् बक्षीस मिळवा, पोलिसांकडून राज्यस्तरीय स्पर्धा, पाहा संपूर्ण माहिती

रिल्सचा विषय हा अमली पदार्थ व इतर व्यसनांचे दुष्परिणाम, महिला सुरक्षा आणि सशक्तीकरण या दिलेल्या दोन विषयांशीच संबंधित असावा. सदर रिल्स स्पर्धेचा प्रवेश मोफत असून महाराष्ट्रातील सर्वांसाठी खुला आहे. आपली रिल्स ही मराठी, हिंदी किंवा इंग्रजी या भाषेपैकी एका भाषेत असणे आवश्यक आहे.

रिल्स मध्ये अश्लीलता किंवा बीभत्स कृत्य अथवा क्रूरता, किळसवाणे प्रसंग यामध्ये टाकता येणार नाही. याची दक्षता कटाक्षाने घ्यावी. तसेच रिल्स मध्ये दाखवलेले प्रसंग हे सेन्सॉरच्या अधिनियमानुसार असणे आवश्यक आहे. रिल्स मध्ये वापरलेली सामग्री ही स्वतःच्या मालकीची किंवा परवानाधारक असणे आवश्यक आहे.

रिल्स सादरीकरणाची एकूण वेळ 30 सेंकद ते 180 सेंकदा (3 मिनिट) पर्यंत असणे आवश्यक आहे. प्रवेशिका जमा करण्याची अंतिम तारीख दि.10 नोव्हेंबर 2025 रोजी पर्यंत असेल. आपल्या रिल्सची प्रवेशिका 9021701000 या मोबाइल क्रमांकावर संपर्क करून PDF स्वरूपात माहिती मागवून भरून देणे आवश्यक आहे. आपली रिल्स ही जालना jainapolicereels@gmail.com या ईमेल आयडीवर पाठवावे.

रिल्स स्पर्धा ही दि. 27 ऑक्टोबरपासून सुरू होईल. 10 नोव्हेंबरपर्यंत आपली प्रवेशिका दिलेल्या नंबरवर भरून पाठवावी आणि आपली रील ईमेल आयडीवर पाठवावी. स्पर्धेचा कालावधी 12 नोव्हेंबर रोजी सकाळी 11 वाजेपासून ते 25 नोव्हेंबर रोजी रात्री 12 वाजेपर्यंत असेल.

सर्वाधिक लाईक प्राप्त झालेल्या रिल्सला प्रथम विजेता म्हणून घोषित करण्यात येईल व त्यानंतर सर्वाधिक द्वितीय विजेता हा त्यापेक्षा कमी लाईक्स असलेल्या रिल्स ठरेल. तसेच या व्यतिरिक्त अमली पदार्थ व इतर पदार्थांचे दुष्परिणाम, महिला सुरक्षा आणि सशक्तीकरण या दोन्ही विषयांवरती वेगवेगळे बेस्ट रिल्स आयोजक निवड करतील. परीक्षकांनी निवडलेल्या रिल्सचा निकाल हा अंतिम व बंधनकारक राहील.