Samruddhi Highway : समृद्धी महामार्गावर प्रवासाचे नियोजन करताय? 9 दिवस ब्लॉक, कधी आणि कुठे?

जालना : हिंदुहृदयसम्राट बाळासाहेब ठाकरे नागपूर ते मुंबई समृद्धी महामार्गावर 9 ते 18 फेब्रुवारी दरम्यान बुलढाणा येथील लोणार, देऊळगावराजा आणि सिंदखेडराजा तर जालना जिल्ह्यातील जालना तालुक्यात 300.4 किमी ते 365.8 किमी दरम्यान वाहतूक ब्लॉक घेण्यात येणार आहे. महाराष्ट्र राज्य रस्ते विकास महामंडळाकडून (एमएसआरडीसी) समृद्धी महामार्गावर हायवे ट्राफिक मॅनेजमेन्ट सिस्टमअंतर्गत गॅन्ट्री उभारण्याचे काम सुरु आहे. या कामासाठी दहा टप्प्यात 9 ते 18 फेब्रुवारी दरम्यान वाहतूक ब्लॉक घेण्यात येणार असून ठराविक वेळेत ठराविक ठिकाणची वाहतूक 50 ते 60 मिनिटे बंद ठेवण्यात येणार आहे.