Chhaava : डोळ्यात पाणी, उर भरून आलं; चिमुकल्याच्या शिवगर्जनेने चित्रपटगृह दणाणलं, व्हिडीओ शेअर करत जयंत पाटील म्हणाले...

Jayant Patil post on little boy Shivgarjana : सध्या बॉक्स ऑफिसवर छत्रपती संभाजी महाराज यांच्यावर आधारित छावा सिनेमा प्रदर्शित झाला आहे. देशभरातून या सिनेमाला चांगला प्रतिसाद मिळताना दिसतोय. महाराष्ट्रासह इतर राज्यात देखील अनेक ठिकाणी सिनेमा हाऊसफुल असल्याचं पहायला मिळत आहे. कुणी वेश परिधान करून सिनेमा पाहण्यासाठी येतंय, तर अनेकांना सिनेमा पाहून झाल्यावर अश्रू अनावर झाले. सोशल मीडियावर देखील अनेक व्हिडीओ तुफान व्हायरल होत आहे. अशातच एका चिमुकल्याचा व्हिडीओ सोशल मीडियावर व्हायरल झाला, ज्यामध्ये तो सिनेमा संपल्यावर शिवगर्जना करताना दिसतोय. स्वत: विकी कौशलने देखील हा व्हिडीओ शेअर करत प्रतिक्रिया दिली होती. अशातच आता राष्ट्रवादीचे ज्येष्ठ नेते आणि माजी मंत्री जयंत पाटील यांनी यावर आपल्या भावना व्यक्त केल्या.