पावसाळ्यात फिरायला जाताय?, सोशल मीडियाचा नाद सोडा, या गोष्टींची नक्की घ्या काळजी, अन्यथा होईल पश्चाताप

कोल्हापूर : मान्सूनच्या आगमनानंतर संपूर्ण उन्हाळ्यामध्ये त्रस्त झालेले अनेक लोक, निसर्गप्रेमी तसेच शिवप्रेमी सह्याद्रीच्या दऱ्या-खोऱ्यात, गड-किल्ल्यांवर वर्षा पर्यटनासाठी बाहेर पडत असतात. हे वर्षा पर्यटन, ट्रेकिंग करत असताना आपल्याला नेहमीच काळजी घेण्याची गरज असते. आपली एखादी चूक आपल्याला आयुष्यभरासाठी महागात पडू शकत असते. त्यामुळेच पावसाळ्यात पर्यटनाला बाहेर पडल्यानंतर नेमकी कशी आणि काय काळजी घ्यावी याबाबत माहिती असणे अत्यंत आवश्यक आहे. त्यामुळे याच विषयासंदर्भात लोकल18 च्या टीमने कोल्हापूरच्या सागर पाटील यांच्याशी संवाद साधला.

सागर पाटील हे कोल्हापूर हायकर्स या संस्थेचे संस्थापक आहेत. गेल्या अनेक वर्षापासून ते कोल्हापूर हायकर्स या ट्रेकिंग ग्रुपच्या माध्यमातून अडव्हेंचेर टुरिझम क्षेत्रात काम करत आहेत. लोकल18 शी बोलताना त्यांनी पावसाळ्यात पर्यटनाला जाताना नेमकी काय काय काळजी घ्यावी, याबाबत महत्त्वाची माहिती दिली. ते काय म्हणाले हे जाणून घेऊयात.