दोन मैत्रिणींनी केला अनेक अडचणींचा सामना, पण न खचता आज याठिकाणी उभं केलं अनोखं स्वयंपाकघर

लोकल18 शी बोलताना ज्योती कवर म्हणाल्या की, 1998 साली आम्ही हे स्वयंपाक सुरुवात केलं. सुरुवातीला आम्ही शहरातील संत एकनाथ रंग मंदिराच्या समोर एका गाड्यावरती त्याची सुरुवात केली होती. आम्ही सुरुवातीला फक्त पोळी, भाजी आणि चटण्या, कुरडया, खारोड्या हेच विकण्यासाठी ठेवत होतो. सुरुवातीला आम्हाला खूप अडचणी आल्या. पोळी, भाजी विकत घेऊन खावी, ही आपल्या लोकांची मानसिकता नव्हती. तेव्हा आम्ही घरूनच पोळी, भाजी बनवून आणायचो आणि या ठिकाणी विकायचो. पण तरीही काही दिवस आमची पोळी भाजीची विकल्या जात नव्हती. अनेक अडचणी आल्या. पण या अडचणींवर आम्ही मात करत आम्ही आमचा व्यवसाय तसाच चालू ठेवला.

विशेष म्हणजे आम्ही हा व्यवसाय सुरू करण्यासाठी घरातून एक रुपयाही घेतला नाही आणि स्वतःच्या जमापुंजीतून आम्ही या व्यवसायाची आम्ही सुरुवात केली. हळूहळू आमचा व्यवसाय चांगला चालू लागला. सध्या पोळी भाजीला याठिकाणी मोठ्या प्रमाणात मागणी आहे. संभाजीनगर शहरात सर्वात आधी आम्हीच पोळी भाजी केंद्राची सुरुवात केली, असं त्यांनी सांगितलं.

आम्ही एका छोट्या गाड्या वरून या व्यवसायाची सुरुवात केली होती आणि आज आम्ही दोघींनी आमच्या स्वतःच्या पैशातून दुकानाचे चार गाळे विकत घेतले आहेत, याचा आम्हाला खूप अभिमान आहे, या भावना नंदिनी आणि ज्योती या दोन्ही महिलांनी लोकल18 शी बोलताना व्यक्त केल्या.