Latur News : जीवापाड जपलेल्या एक एकर कोथिंबीरवर शेतकऱ्याने फिरवला ट्रॅक्टर; पाहा Video

लातूर, 5 ऑगस्ट : एकीकडे टोमॅटोचे दर गगनाला भिडले आहेत. तर दुसरीकडे कोथिंबीरीला कवडीमोल भाव मिळत आहे. मागच्या महिन्यात कोथिंबीरला चांगला भाव होता, त्यामुळे अनेक शेतकऱ्यांचा चांगला फायदा झाला होता. मात्र, काही दिवसांपासून कोथिंबिरीला लागवड आणि वाहतुकीचा खर्च निघेल इतकाही भाव मिळत नाही. कोथिंबीरच्या कॅरेटला सध्या पन्नास रुपये इतका भाव मिळतोय, त्यामुळे कोथिंबीर बाजारात नेण्यापेक्षा काढून टाकलेली बरी असा विचार शेतकरी करीत आहेत. अशातच एका संतापलेल्या शेतकऱ्याने आपल्या शेतातील कोथिंबीरीव रोटा फिरवला.

टोमॅटोच्या दरात सातत्याने वाढ होत असल्याने त्याचा भाव 300 रुपये किलोच्या पुढे जाणार आहे. घाऊक बाजारात टोमॅटोचा भाव 300 रुपये किलोपर्यंत जाण्याची भीती घाऊक व्यापाऱ्यांनी व्यक्त केली आहे. आवक कमी असल्याने टोमॅटोच्या घाऊक दरात वाढ होऊन त्याचा परिणाम किरकोळ विक्रीवरही होणार असल्याचे भाजीपाला व्यापाऱ्यांचे म्हणणे आहे. त्यामुळे टोमॅटोचे किरकोळ भाव वाढू शकतात.