Holi Safety Tips : होळी खेळताना डोळ्यांत रंग गेल्यास 'ही' युक्ती वापरा, सहज निघेल! डोळे असे ठेवा सुरक्षित..

डोळ्यांमध्ये रंग गेल्यास घाबरून न जाता तुम्ही काही सोपे उपाय करून रंग सहज काढू शकता, ज्यामुळे तुमचे डोळे सुरक्षित राहतील आणि डोळ्यांतील रंगही सहज निघेल. चला तर मग पाहूया काही सोप्या टिप्स.

सर्वात आधी तर स्वच्छ पाण्याने डोळे हळुवारपणे धुवा. यासाठी स्वच्छ, थंड पाणी वापर. पाणी प्रेशरने किंवा वेगाने न टाकता हळूहळू चेहऱ्यावर टाका. असे केल्याने रंग निघून जातो आणि जळजळ कमी होते. अनेक नेत्रतज्ज्ञ म्हणतात की पहिले 2-3 मिनिटे डोळे पाण्याने स्वच्छ धुणे सर्वात प्रभावी आहे.

रंग काढताना सर्वात महत्त्वाचं म्हणजे रंग गेल्यानंतर डोळे अजिबात चोळू किंवा रगडु नका. कारण डोळे चोळल्याने कॉर्नियावर ओरखडे येऊ शकतात. बऱ्याच प्रकरणांमध्ये होळीनंतर डोळ्यांची जळजळ रंगामुळे होत नाही, तर चोळल्यामुळे झालेल्या दुखापतीमुळे होते.

डोळे व्यवस्थित धुतल्यानंतरही जळजळ किंवा कोरडेपणाची समस्या येत असेल तर लुब्रिकेटिंग आय ड्रॉप्स मदत करू शकतात. मात्र ते तज्ज्ञांच्या सल्ल्यानेच वापरा. कारण चुकीच्या ड्रॉप्समुळे डोळ्यांचे आणखी नुकसान होण्याची शक्यता असते.

डोळे लाल होणे, वेदना, खाज सुटणे किंवा अस्पष्ट दृष्टी अशा समस्या येत असतील तर त्वरित डॉक्टरांकडे जा. या समस्या रासायनिक जळजळ किंवा कॉर्नियल इजा झाल्याचे लक्षण असू शकते. म्हणून त्वरित डोळ्यांच्या डॉक्टरांचा सल्ला घ्या. वेळ वाया घालवू नका.

शेवटी डोळ्यांवर कोणतेही घरगुती उपाय करणं टाळा. गुलाब पाणी किंवा दूध अशा गोष्टीही डोळ्यांना लावू नका. कधीकधी यामुळेही संसर्गाचा धोका वाढू शकतो. म्हणून डॉक्टरांचा सल्ला घेतल्याशिवाय डोळ्यांना काहीही लावणे योग्य नाही.

शेवटी रंग खेळताना आधीच डोळ्यांची काळजी घेणं योग्य ठरतं. यामुळे नेहमी हर्बल किंवा नैसर्गिक रंग निवडा. डोळ्यांसाठी संरक्षक चष्मा वापरा. रंग खेळण्यापूर्वी डोळ्यांभोवती तेल किंवा मॉइश्चरायझर लावा आणि मुलांवर बारकाईने लक्ष ठेवा. होळी हा आनंदाचा सण आहे, डोळ्यांच्या समस्यांचा नाही. म्हणून रंगांशी खेळा, पण सुरक्षित पद्धतीने. (Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.)