NEET पेपरफुटीचे धागेदोरे महाराष्ट्रात; लातूरमध्ये दोन ZP शिक्षकांची चौकशी, एकाला अटक

लातूर : नीट पेपरफुटी प्रकरणाचे धागेदोरे महाराष्ट्रातही सापडले आहेत. लातूरमधील दोन शिक्षकांसह नांदेड आणि दिल्लीतील दोघांवर गुन्हा दाखल करण्यात आला आहे. या प्रकरणी एका शिक्षकाला अटक करण्यात आल्याची माहिती समोर येत आहे. नीट पेपरफुटी प्रकरणी महाराष्ट्रात एटीएसने कारवाई करत दोघांना चौकशीसाठी ताब्यात घेतलं होतं. त्यानंतर त्यांना सोडूनही देण्यात आलं होतं. मात्र आता रविवारी रात्री एकाला अटक करण्यात आल्याची माहिती समोर आली.