बैल नसल्यानं शेतकरी आजी-आजोबांनी स्वत:ला जुंपलं, अभिनेता सोनं सूदकडून मदतीचा हात, Local18 च्या बातमीची दखल

जालना: शेतीच्या नांगरणीसाठी पैसे नाहीत म्हणून स्वतःच वखर ओढतानाचा वृद्ध दाम्पत्याचा व्हिडिओ महाराष्ट्रभर व्हायरल झाला आणि यंत्रणा खडबडून जागी झाली. राज्याचे कृषिमंत्री सहकार मंत्री यांनी दूरध्वनीवरून या वृद्ध दाम्पत्याशी संवाद साधला आणि सर्वतोपरी मदतीचे आश्वासन दिले. यानंतर बॉलीवूड अभिनेता सोनू सूद यांनी देखील या दाम्पत्याला बैल जोडी देण्याचे वचन दिले आहे. लोकल 18 ने पवार दाम्पत्याची व्यथा महाराष्ट्राला दाखवल्यानंतर या दाम्पत्याला मदतीचा ओघ सुरू झाला आहे.