PM Narendra Modi : विरोधकांच्या नरेटिव्हला PM मोदींचं उत्तर, संविधानावरून 'डबल डोस', विदर्भात काँग्रेसवर हल्लाबोल

चंद्रपूर : विधानसभा निवडणुकीची रणधुमाळी सुरू आहे. महाराष्ट्रात पंतप्रधान नरेंद्र मोदी विदर्भ दौऱ्यावर असून महायुतीच्या उमेदवारांसाठी चिमूरमध्ये सभा झाली. लोकसभा निवडणुकीत विरोधकांकडून संविधान बदलण्याच्या आरोपामुळे आपल्याला फटका बसला असा दावा सातत्याने भाजपकडून केला जातोय. विरोधकांचे हे नरेटिव्ह बदलण्यासाठी पंतप्रधान नरेंद्र मोदींनी प्रचारसभांमध्ये काँग्रेसवर जोरदार हल्लाबोल सुरू केला आहे. काश्मीरमध्ये कलम ३७० हटवणं, बाबासाहेब आंबेडकर आणि संविधान यांचा उल्लेख करत काँग्रेसवर टीका करत आहेत. चिमूर इथं झालेल्या सभेत पंतप्रधान नरेंद्र मोदी यांनी काँग्रेसवर टीका करताना कलम ३७० काँग्रेसची देणगी असून त्यामुळे देशात दोन संविधान होते असा आरोप केला.