Maharashtra CM : महायुतीच्या शपथविधीची जय्यत तयारी, पण मुख्यमंत्रीपदी कोण? नाव गुलदस्त्यात

Maharashtra Government Formation : महायुतीच्या शपथविधीची तारीख पे तारीख झाल्यानंतर आता नवीन तारीख समोर आली आहे. येत्या 5 डिसेंबरला नव्या मुख्यमंत्र्यांचा शपथविधी पार पडणार असल्याची माहिती आहे. मुंबईच्या आझाद मैदानावर हा शपथविधी पार पडणार आहे. महायुतीचा हा शपथविधी भव्य स्वरूपाचा असणार आहे. या शपथविधीची मुंबईत जय्यत तयारी सूरू आहे. विशेष म्हणजे या शपथविधीला पंतप्रधान नरेंद्र मोदी यांच्यासह अनेक नेते उपस्थित राहणार आहे. पण एकीकडे शपथविधीची जय्यत तयारी सूरी असताना मुख्यमंत्रीपदी कोण असणार आहे? असा प्रश्न संपूर्ण महाराष्ट्राला पडला आहे.