Maharashtra CM Oath Ceremony : तीन जणांचा आज शपथविधी, मग मंत्रिमंडळ विस्तार कधी? भरतशेठ गोगावलेंनी तारीखच सांगितली?

Maharashtra CM Oath Ceremony : महायुती सरकारचा शपथविधी सोहळा आज मुंबईच्या आझाद मैदानावर पार पडणार आहे. या शपथविधी सोहळ्यात देवेंद्र फडणवीस मुख्यमंत्री म्हणून तर अजित पवार आणि एकनाथ शिंदे हे उपमुख्यमंत्री शपथ घेणार आहेत. त्यामुळे आज फक्त तिघांचा शपथविधी पार पडणार आहे. अशा परिस्थितीत मंत्रिमंडळाचा विस्तार कधी होणार? असा प्रश्न आता राजकीय वर्तुळात उपस्थित होतोय. यावर आता महायुतीतील नेतेच वेगवेगळ्या तारीख सांगत बसले आहे. अजित पवारांच्या राष्ट्रवादीने आमदार अनिल पाटील यांनी वेगळी तारीख सांगितली आहे, तर एकनाथ शिंदे यांच्या शिवसेनेचे आमदार भरतशेठ गोगावले यांनी आणखी वेगळी तारीख सांगितली आहे.