Eknath Shinde BJP : शिंदेंचा 'पॉलिटिकल गेम' करण्याची खेळी, पण भाजपच फसली! पडद्यामागे घडलं काय?

आगामी महापालिका निवडणुकीसाठी प्रभाग रचना जाहीर करण्यात आली आहे. या प्रभाग रचनेवरून महायुतीत वादाचे धुमारे फुटण्याची चिन्हे दिसू लागली आहेत. ठाणे महापालिकेसाठी भाजपचे मिशन घेऊन मैदानात उतरलेले वन मंत्री गणेश नाईक यांची नवी मुंबईत कोंडी करण्यात आल्याचे संकेत दिसू लागले आहेत.नवी मुंबईतील महापालिका निवडणुकांसाठी शुक्रवारी (25 ऑगस्ट) उशीरा जाहीर झालेल्या प्रभाग रचनेवरून नव्या राजकीय संघर्षाचे बीज रोवत असल्याचे संकेत मिळत आहेत. उपमुख्यमंत्री एकनाथ शिंदे आणि माजी मंत्री गणेश नाईक यांच्यातील संघर्ष आता आणखीच तीव्र होण्याची शक्यता आहे.

महापालिका आयुक्त डॉ. कैलाश शिदे यांनी 111 सदस्यसंख्येच्या प्रभाग रचनेचा प्रारूप आराखडा जाहीर केला. चार सदस्यांचे 27 आणि तीन सदस्यांचा एक, अशा 28 प्रभागांचा हा आराखडा लगेचच वादाच्या भोवऱ्यात सापडला. भाजपच्या कार्यकर्त्यांसह नाईक यांच्या गटात या रचनेविरोधात तीव्र असंतोष दिसून आला. "या आखणीत ठाण्याचा प्रभाव आहे," असा थेट आरोप नाईक समर्थकांकडून करण्यात आला. गणेश नाईक यांची नवी मुंबईच्या राजकारणावर पकड आहे. आता त्यालाच धक्का लागण्याची शक्यता आहे.