Mumbai : कोणता झेंडा घेऊ हाती? माहिम आणि अनुशक्तीनगरमध्ये भाजप कार्यकर्त्यांची कोंडी

मुंबई : महायुतीत मुंबईत माहिम आणि अनुशक्तीनगर या मतदारसंघात पेच निर्माण झाला आहे. माहिममध्ये भाजपने मनसेच्या अमित ठाकरेंना पाठिंबा दिलाय. तर अनुशक्तीनगरमध्ये नवाब मलिक यांच्या मुलीला राष्ट्रवादीने तिकीट दिल्यानं भाजप नाराज आहे. या दोन मतदारसंघात भाजपच्या कार्यकर्त्यांची मात्र पुरती कोंडी झालीय. माहिममध्ये मनसेला पाठिंब्याबाबत देवेंद्र फडणवीस आणि आशिष शेलार यांनी कार्यकर्ते पदाधिकाऱ्यांना सांगितलंय. तरी पदाधिकारी मात्र शिवसेनेचे उमेदवार सदा सरवणकर यांचा प्रचार करत आहेत.

अनुशक्तीनगरमध्ये नवाब मलिक यांची कन्या सना मलिक यांना राष्ट्रवादीकडून उमेदवारी देण्यात आलीय. महायुतीच्या उमेदवार असूनही सना मलिक यांच्या प्रचारात भाजपचा एकही झेंडा दिसत नाहीय. सना मलिक यांच्या प्रचारात सहभागी होताना भाजपचे झेंडे हातात न घेण्याचे आदेश पदाधिकाऱ्यांना देण्यात आले आहेत.