बायकोसोबत नको ते घडलं, पोलिसांनीही दिली नराधमांना साथ, हातावर चिठ्ठी लिहून तरुणाने संपवलं जीवन, लातूरला हादरवणारी घटना!

लातूर जिल्ह्याच्या जळकोट पोलीस ठाण्याच्या हद्दीत एक धक्कादायक घटना घडली आहे. इथं एका शेतकऱ्याने हातावर दोन पोलीस अधिकाऱ्यासह सहा जणांची नावं लिहून आयुष्याचा शेवट केला आहे. संबंधित शेतकरी मागील काही दिवसांपासून पत्नीच्या विनयभंगाबाबतची तक्रार देण्यासाठी प्रयत्न करत होते. मात्र पोलिसांकडून त्यांना योग्य तो प्रतिसाद मिळत नव्हता. उलट त्यांना जीवे मारण्याची धमकी दिली जात होती. या त्रासाला कंटाळून शेतकऱ्याने मृत्यूला कवटाळलं आहे. याप्रकरणी मंगळवारी मध्यरात्री दोन पोलीस कर्मचाऱ्यांसह एकूण सहा जणांविरुद्ध आत्महत्येस प्रवृत्त केल्याचा गुन्हा दाखल करण्यात आला आहे.