बंदुकीचा धाक अन् जबरदस्ती शूटिंग, बाळासाहेबांच्या मदतीनं 3 महिन्यांनी सुटका; मराठी अभिनेत्रीच्या किडनॅपिंगची शॉकिंग स्टोरी

 मनोरंजनविश्वात काम करताना अनेकदा कलाकारांना वेगवेगळ्या अनुभवांना सामोरं जावं लागतं. कलाकारांना धमक्या येणं, त्यांच्या प्रेशराइज करणं अशा अनेक घटना घडतात.

एका प्रसिद्ध मराठी अभिनेत्रीला तर किडनॅप केलं होतं. तब्बल 3 महिने ही अभिनेत्री त्यांच्या ताब्यात होती. कहर म्हणजे त्यांनी तिला तिथे फसवून नेलं होतं. 3 महिने जबरस्ती शूटिंग करून घेतलं.

अभिनेत्रीला वाचवायला स्वत: स्वर्गीय बाळासाहेब ठाकरे यांनी पुढाकार घेतला. बाळासाहेबांच्या मदतीनं मराठी अभिनेत्री 3 महिन्यांनी सुखरूप घरी परतली होती. कोण आहे ही मराठी अभिनेत्री आणि तिच्या किडनॅपिंगची शॉकिंग स्टोरी?

आपणल ज्या अभिनेत्रीबद्दल बोलतोय ती अभिनेत्री म्हणजे सुप्रिया पाठारे. एका मुलाखतीत त्यांनी 1995 साली घडलेली ही धक्कादायक सुप्रिया पाठारे यांनी सांगितली. 

एका चित्रपटाच्या शूटिंगच्या निमित्ताने एक निर्माता त्यांना राजस्थानला घेऊन गेला. त्या वेळी त्या एकट्याच शूटिंगसाठी गेल्या होत्या. मात्र तिथे पोहोचल्यानंतर परिस्थिती पूर्णपणे बदलली. त्या निर्मात्याने त्यांना तब्बल तीन महिने एका ठिकाणी डांबून ठेवलं. एवढंच नाही तर बंदुकीची भीती दाखवत त्यांच्याकडून जबरदस्तीने अभिनय करून घेतला.

या काळात त्यांना कुटुंबीयांशी फोनवर बोलण्याची परवानगी होती पण त्यावरही बंधनं होती. त्यांना मराठीत बोलण्यास स्पष्ट मनाई करण्यात आली होती. अशा कठीण परिस्थितीतही सुप्रिया यांनी हार मानली नाही. त्यांनी हुशारीने गुप्त भाषेचा वापर करत आपल्या बहिणीला आपल्यावर आलेल्या संकटाची माहिती दिली.

या काळात त्यांना कुटुंबीयांशी फोनवर बोलण्याची परवानगी होती पण त्यावरही बंधनं होती. त्यांना मराठीत बोलण्यास स्पष्ट मनाई करण्यात आली होती. अशा कठीण परिस्थितीतही सुप्रिया यांनी हार मानली नाही. त्यांनी हुशारीने गुप्त भाषेचा वापर करत आपल्या बहिणीला आपल्यावर आलेल्या संकटाची माहिती दिली.

सुटकेनंतर त्यांना कळलं की या प्रकरणात बाळासाहेबांनी स्वतः लक्ष घातलं होतं. त्यांच्या हस्तक्षेपामुळेच ही कारवाई वेगाने पार पडली. जवळपास 20 तासांचा प्रवास करून सुप्रिया सुरक्षितपणे सुरतला पोहोचल्या. मी आयुष्यभर त्यांची ऋणी राहीन असं म्हणत सुप्रिया पाठारे यांनी या संपूर्ण घटनेनंतर बाळासाहेबांचे आभार मानले होते.  

वर्कफ्रंटबद्दल बोलायचं झालं तर सुप्रिया पाठारे यांनी अनेक गाजलेल्या मालिकांमध्ये आणि चित्रपटांमध्ये काम केलं आहे. 'साधी माणसं' ही त्यांची मालिका नुकतीच संपली आहे. याशिवाय त्यांनी  'जागो मोहन प्यारे', 'होणार सून मी या घरची', 'फू बाई फू', 'पिंजरा', 'ठिपक्यांची रांगोळी', 'मोलकरीणबाई' अशा अनेक मालिकांमध्ये काम केलं आहे. .