Solpaur: हातात सोन्याचं कडं, 5 अंगठ्या अन् गळ्यात माळा, भावी नगरसेवक पोस्ट अन् घरात आढळला मृतदेह, सोलापूर हादरलं

सोलापूर : राज्यात महापालिका निवडणुकीची रणधुमाळी सुरू आहे. अनेक इच्छुक उमेदवार तिकीट मिळवण्यासाठी धडपड करत आहेत. अशातच  सोलापूर महानगरपालिका निवडणुकीसाठी इच्छुक असलेल्या एका उमेदवाराची हत्या करण्यात आल्याची घटना समोर आली आहे. या प्रकरणाचा एक सीसीटीव्ही व्हिडीओ समोर आला आहे. यामध्ये मारेकरी पळून जाताना दिसत आहे. या घटनेमुळे परिसरात खळबळ उडाली आहे.

पोलिसांनी दिलेल्या माहितीनुसार,  सोलापुरातल्या लष्कर परिसरात ही धक्कादायक घटना घडली आहे.  अय्युब सय्यद असं मृत्यू झालेल्या पारलिंगी समुदायाच्या व्यक्तीचं नाव आहे. अय्युब सय्यद हे आगामी सोलापूर महानगरपालिका निवडणुकीसाठी प्रभाग 16 मधून निवडणुकीसाठी इच्छुक होते. मागील काही दिवसांपासून ते निवडणुकीच्या तयारीला लागले होते. आपल्या इंन्साटाग्राम अकाऊंटवर त्यांनी निवडणूक लढवणार असल्याच्या पोस्ट सुद्धा शेअर केल्या होत्या.   त्यांच्या या व्हिडीओ आणि फोटोला इंस्टाग्राम अकाउंटवर लाखोंच्या संख्येनं views आले आहेत.