Mira Bhayandar Assembly constituency: मिरा भाईंदरमध्ये महायुतीत अखेरच्या क्षणापर्यंत तणाव; मुख्यमंत्र्यांसाठी गुवाहाटीपर्यंत पोहोचलेल्या विद्यमान आमदार पुन्हा अपक्षच

मिरा भाईंदर : मुख्यमंत्री एकनाथ शिंदेंच्या ठाणे जिल्ह्यातील एकमेव सीट शेवटपर्यंत भाजप आणि शिवसेना यांच्या जागावाटपातील रस्सीखेचीत अडकली होती. शेवटी तिथे भाजपची सरशी झाली. उमेदवारी अर्ज दाखल करण्याच्या अखेरच्या दिवशी भाजपने शेवटची चौथी यादी जाहीर केली त्यात ठाणे लोकसभा मतदारसंघात येणाऱ्या मिरा-भाईंदर या विधानसभा जागेवरचा उमेदवार जाहीर झाला. मिरा भाईंदर विधानसभा मतदारसं घ ठाणे लोकसभा मतदारसंघाचा भाग आहे. गीता जैन या विद्यमान आमदार  आहेत. त्या महायुतीकडून लढण्यास उत्सुक होत्या. मुख्यमंत्री शिंदे त्यांना तिकिट देण्यास आग्रही होते. पण अखेर भाजपला ही जागा मिळाली आणि अखरेच्या क्षणी नरेंद्र मेहता यांची उमेदवारी जाहीर झाली.