Raj Thackeray : पुण्यात घर हवंय का? लातूरमध्ये पाटी पाहिली, लाज वाटली, राज ठाकरेंनी व्यक्त केला संताप

दोन दोन मुख्यमंत्री ज्या लातूरने् राज्याला दिले तिथं रस्तेही चांगले नाहीत. देशाचे गृहमंत्री राहिलेले शिवराज चाकूरकर हे लोकसभेचे सभापतीसुद्धा होते. त्या चाकूर गावात सभेला गेलो तर तिथं अंधार होता. सभासुद्धा जनरेटरवर झाली. इतकी वर्षे सत्तेत राहून काय विकास केला असा सवाल राज ठाकरे यांनी विचारला.

शरद पवार यांच्यावरही राज ठाकरे यांनी घणाघाती टीका केली. शरद पवार यांचा उल्लेख महान संत असंही केला. राज ठाकरे म्हणाले की,1999 साली महान संत शरद पवार यांनी राष्ट्रवादी काँग्रेस पार्टीला जन्म घातला. यानंतर जातीयवादाची पाळेमुळे खोलवर रुजली. मागील 40 वर्षांपासून राजकारणात संधी मिळालेले शरद पवार यांनी बारामती तालुक्यात अनेक उद्योगधंदे आणले. मात्र त्यांनी उर्वरित महाराष्ट्राचा कधी विचार केला नाही. मराठवाड्यात उद्योगधंदे नाहीत, विदर्भात नाहीत.