Mumbai Goa Highway: गाडी चालवायला धड रस्ता नाही, पण खिसा रिकामा करायला टोल नाके तयार! मुंबई-गोवा महामार्गावर बसणार टोलचा झटका

मुंबई: कोकणवासीयांसाठी लाइफलाइन ठरणार असलेला मुंबई-गोवा महामार्ग गेल्या दीड दशकापासून रखडलेला आहे. आता कुठे १५ वर्षांच्या प्रतीक्षेनंतर पळस्पे ते इंदापूर टप्प्यातील काम अंतिम टप्प्यात आले असतानाच, सरकारने प्रवाशांच्या खिशावर 'टोल'चा भार टाकण्याची तयारी पूर्ण केली आहे. विशेष म्हणजे, महामार्गाचे काम पूर्ण होण्याआधीच पथकर नाके सुरू करण्यासाठी प्रशासकीय हालचालींना वेग आला असून, येत्या आठवड्यात याबाबतची अधिसूचना जारी होणार आहे.