टीप मिळाली अन् समीर येडाच्या मारेकऱ्याचा खेळ खल्लास, अस्सू टोळीचा मुख्य हल्लेखोर अटकेत

नागपूरमधील यशोधरा नगर पोलीस ठाण्याच्या हद्दीतील बहुचर्चित समशेर खान उर्फ 'समीर येडा' हत्याकांडातील मुख्य आरोपीला अटक करण्यात नागपूर पोलिसांना मोठं यश आलं आहे. भव्य श्याम यादव (२२) असं अटक करण्यात आलेल्या आरोपीचे नाव असून, तो गेल्या चार महिन्यांपासून पोलिसांना गुंगारा देत होता. मंगळवारी तो परराज्यात पळून जाण्याच्या तयारीत असताना पोलिसांनी त्याला गणेशटेकडी परिसरातून बेड्या ठोकल्या.