Vande Bharat: काय, वंदे भारतमधून फुकट प्रवास! पंतप्रधान दाखवणार हिरवा झेंडा

नागपूर: राज्याची सांस्कृतिक राजधीनी पुणे आणि राज्याची उपराजधानी नागपूर ही दोन महत्त्वाची शहरे आता अधिक वेगाने जोडली जाणार आहेत. या दोन्ही शहरांदरम्यान वंदे भारत एक्सप्रेस सुरू केली जाणार आहे. उद्घाटनाच्या दिवशी नागपूर ते पुणे वंदे भारत एक्सप्रेसमधून मोफत प्रवास करता येणार आहे. 10 ऑगस्ट रोजी पंतप्रधान नरेंद्र मोदी अजनी (नागपूर) ते पुणे, बंगळुरू ते बेळगाव आणि अमृतसर ते वैष्णोदेवी दरम्यान सुरू होणाऱ्या तीन वंदे भारत एक्सप्रेसला हिरवा झेंडा दाखवणार आहेत. नागपुरातून सध्या तेलंगणातील सिंकदराबाद, छत्तीसगडमधील बिलासपूर आणि मध्य प्रदेशातील इंदूर अशा तीन वंदे भारत एक्सप्रेस सुरू आहेत.