बालपणीच गेली दृष्टी, पण चमकण्याची जिद्द कायम, RJ शाहनवाज कसा बनला रेडिओचा बादशाह? Video

आरजे शाहनवाज अन्सारी याची बालपणीच आजारपणामुळे दृष्टी गेली. त्यामुळे पुढील जीवनात अनेक अडचणींचा सामना करावा लागला. तरीही त्याने हार मानली नाही. परिस्थितीशी संघर्ष करत आपल्या ध्येयाचा पाठलाग सुरूच ठेवला. प्रत्येक घटनेकडे डोळसपणे बघण्याची कला आणि लोकांशी संवाद साधण्याचं कौशल्य यामुळे शाहनवाज रेडिओकडे ओढला गेला. देशातील प्रसिद्ध आरजे मिलिंद यांनी शाहनवाजचं कौशल्य ओळखून त्याला प्रशिक्षण दिलं. त्यामुळंच आपल्याला एक दिशा मिळाल्याचं शाहनवाज सांगतो.

"जर तुम्हाला चांगला आरजे बनायचे असेल तर तुमच्यामध्ये लोकांशी संवाद साधण्याची, प्रत्येक घटनेकडे वेगळ्या दृष्टिकोनातून पाहण्याची आणि मोकळेपणाने बोलण्याची मूलभूत कला असणे आवश्यक आहे," असे आरजे शाहनवाज सांगतो. तसेच एखाद्याचे स्वप्न खरे असेल तर त्याला कोणतीही अडचण रोखू शकत नाही. आता रेडिओ हे माझे संपूर्ण आयुष्य असून जोपर्यंत मी जिवंत आहे तोपर्यंत मी आरजे राहीन. हेच माझे जीवन आहे, असेही शाहनवाज म्हणतो.