Nagpur Crime : बोर्डाच्या पेपरला जात होती अन् वाटेतच मृत्यूने गाठलं, वडिलांसमोर 12 वीच्या विद्यार्थीनीने तडफडून सोडला जीव!

Nagpur Crime News : राज्यभरात 12 वीच्या बोर्डाचे पेपर सुरू आहेत. एकीकडे कॉप्यांचा सुळसुळाट सुरू असताना दुसरीकडे, नागपूर जिल्ह्यातील मोहपा रोडवर गुरुवारी दुपारी एक हृदयद्रावक घटना घडली, ज्यामध्ये 12 वीची परीक्षा देण्यासाठी निघालेल्या विद्यार्थिनीचा आणि तिच्या वडिलांचा मृत्यू झाला आहे. मोहपा गावातील रहिवासी सुभाष केशव भिवणकर हे आपली मुलगी तन्वी आणि तिची मैत्रीण वंशिका नरुळे यांना घेऊन दुचाकीने उमरेडमधील परीक्षा केंद्राकडे जात होते. मात्र, वाटेतच काळाने घाला घातल्याने या कुटुंबावर दुःखाचा डोंगर कोसळला आहे.