क्रिकेट खेळायला गेला अन् परतलाच नाही, नागपूरच्या प्रणवचा हृदयद्रावक शेवट, नक्की काय घडलं?

नागपूर: नागपूर जिल्ह्याच्या भिवापूर तालुक्यात एक हृदय पिळवटून टाकणारी घटना समोर आली आहे. इथं क्रिकेट खेळायला गेलेल्या एका १४ वर्षांच्या मुलाचा दुर्दैवी अंत झाला आहे. धक्कादायक बाब म्हणजे दोन महिन्यांपूर्वी संबंधित मुलाच्या वडिलांचा अकाली मृत्यू झाला आहे. अशात आता मुलाचा देखील मृत्यू झाला आहे. अवघ्या दोन महिन्यात एकाच कुटुंबातील दोघांचा अशाप्रकारे मृत्यू झाल्याने गावात हळहळ व्यक्त केली जात आहे.