बुटाची लेस बांधण्यासाठी खाली वाकला आणि शिक्षकाच्या कारने उडवलं, नाशिकमध्ये थरकाप उडवणारी घटना

लक्ष्मण घाटोळ, प्रतिनिधी नाशिक: शाळेची घंटा वाजली, मुलं दप्तर घेऊन बाहेर पडले. काही मुलं मैदानावर खेळत होती, तर काही मुलं दप्तर आनंदाने उडवत घरी निघाले होते. अचानक चालता चालता 6 वर्षांचा मुलगा थांबाला. त्याच्या बुटाची लेस सुटली होती. चालताना त्याला ती सारखी त्रास देत होती म्हणून तो थांबला आणि बुटाची लेस बांधण्यासाठी वाकला. तेवढ्यात जे घडलं ते पाहून उपस्थित मुलांच्या अंगावर काटा आला. मुलगा बुटाची लेस बांधत असताना अचानक त्याच्या अंगावरून चारचाकी कार गेली.