नाशिककरांना पर्यटनाचे वेध! न्यू इयर सेलिब्रेशनसाठी विमान फुल्ल, तिकिटांचे दर दुप्पट

नाशिक : नाताळची सुट्टी आणि सरत्या वर्षाला निरोप देऊन नववर्षाच्या स्वागतासाठी नाशिककर सज्ज झाले आहेत. यंदा पर्यटनासाठी केरळ, गोवा, राजस्थानसह दुबई आणि मालदीवसारख्या परदेशातील ठिकाणांना नाशिककरांनी विशेष पसंती दिली आहे. पर्यटकांच्या या उदंड प्रतिसादामुळे नाशिकहून सुटणाऱ्या विमानसेवेची मागणी प्रचंड वाढली असून, विमान तिकिटांच्या दरात तब्बल दीडपट ते दुपटीने वाढ झाली आहे.