Tricks And Tips : वंदे भारत ट्रेन महाग वाटते? तिकीट बुक करताना 'हा' पर्याय निवडा, वाचतील 200-300 रुपये

Published by:Pooja Jagtap

Last Updated:Dec 23, 2025 10:24 AM IST

How To Save Money On Vande Bharat Express Ticket : भारताच्या रेल्वे क्षेत्रातील अभिमान असलेली वंदे भारत एक्सप्रेस ही आधुनिक, वेगवान आणि सुविधांनी परिपूर्ण ट्रेन म्हणून ओळखली जाते. आरामदायी सीट्स, स्वच्छ डबे, जलद प्रवास आणि आधुनिक सेवा यामुळे प्रवाशांचा या ट्रेनकडे ओढा वाढत आहे. मात्र अनेक प्रवाशांना वंदे भारतचे तिकीट तुलनेने महाग वाटते. परंतु तुम्ही यातील 200 ते 300 रुपये वाचवू शकता. चला पाहूया कसे.

1/9

बऱ्याचदा लोकांना वंदे भारत ट्रेनचे तिकीट जास्त महाग वाटते. विशेषतः कमी अंतराच्या प्रवासासाठी किंवा कुटुंबासोबत जाताना खर्च जास्त जाणवतो. पण योग्य माहिती असेल तर तिकीट बुक करतानाच तुम्ही 200 ते 300 रुपये सहज वाचवू शकता.

2/9

वंदे भारत एक्सप्रेस ही सेमी-हायस्पीड ट्रेन असल्याने तिचा प्रवासाचा वेळ कमी असतो. यासोबतच ट्रेनमध्ये एअर-कंडिशनिंग, आरामदायी खुर्च्या, ऑटोमॅटिक दरवाजे, स्वच्छ टॉयलेट्स, डिजिटल डिस्प्ले आणि ऑनबोर्ड सेवा दिल्या जातात. या सर्व सुविधांचा खर्च तिकीट दरात समाविष्ट असतो. त्यामुळे वंदे भारतचे भाडे अधिक असते.

3/9

अनेक प्रवाशांना माहित नसते की, वंदे भारत एक्सप्रेसच्या तिकिटामध्ये जेवणाचा खर्च आधीच समाविष्ट असतो. प्रवासाच्या वेळेनुसार नाश्ता, जेवण किंवा स्नॅक्स दिले जातात आणि यासाठी साधारण 200 ते 300 रुपये अतिरिक्त आकारले जातात. तुम्हाला ट्रेनमधील जेवण नको असेल, तरीही डिफॉल्ट सेटिंगमुळे हा चार्ज तिकीटात जोडला जातो.

4/9

पैसे वाचवण्यासाठी वापरा ही ट्रिक : IRCTC वेबसाइट किंवा अ‍ॅपवर वंदे भारतचे तिकीट बुक करताना एक पर्याय दिसतो - “Opt out of meal” किंवा “No Food”. तिकीट बुक करताना प्रवासी तपशील भरताना हा पर्याय निवडल्यास, ट्रेनमधील जेवण तुमच्या तिकीटातून वगळले जाते आणि संबंधित रक्कम भाड्यातून वजा होते.

5/9

तुम्ही जेवणाचा पर्याय काढून टाकला, तर प्रवासाच्या वेळेनुसार तुम्ही प्रति प्रवासी सुमारे 200 ते 300 रुपये वाचवू शकता. कुटुंबासोबत किंवा 2-3 जण प्रवास करत असाल, तर ही बचत आणखी जास्त होऊ शकते.

6/9

लहान अंतराचा प्रवास असेल, उपवास असेल किंवा तुम्हाला घरचेच अन्न खायचे असेल, तर ट्रेनमधील जेवण घेण्याची गरज नसते. अशावेळी जेवण कॅन्सल करून स्वतःचे अन्न नेणे किंवा स्टेशनवर खाणे हा अधिक स्वस्त आणि सोयीचा पर्याय ठरतो.

7/9

आधीच बुक केलेल्या तिकिटात बदल करता येतो का : तिकीट बुक केल्यानंतरही IRCTC वर Food Preference मध्ये जाऊन जेवणाचा पर्याय काही वेळा बदलता येतो. मात्र हा बदल प्रवासाच्या ठराविक वेळेआधीच करावा लागतो, अन्यथा रिफंड मिळत नाही.

8/9

वंदे भारत एक्सप्रेस महाग वाटण्यामागे तिच्या आधुनिक सुविधा आणि जेवणाचा समावेश हे प्रमुख कारण आहे. मात्र योग्य वेळी जेवणाचा पर्याय कॅन्सल केल्यास तुम्ही सहज 200-300 रुपयांची बचत करू शकता. पुढच्या वेळी वंदे भारतचे तिकीट बुक करताना हा छोटा पण महत्त्वाचा पर्याय नक्की लक्षात ठेवा.

9/9

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.

Tricks And Tips : वंदे भारत ट्रेन महाग वाटते? तिकीट बुक करताना 'हा' पर्याय निवडा, वाचतील 200-300 रुपये

फोटो

ताज्या बातम्या