नाशकात भल्या पहाटे रक्तरंजित थरार, देवदर्शनासाठी जाणाऱ्या व्यक्तीवर कोयत्याने वार, जागीच मृत्यू

लक्ष्मण घाटोळ, प्रतिनिधी नाशिक: नाशिकमध्ये मागील काही दिवसांपासून सातत्याने हत्येच्या घटना घडत आहे. हे शहर गुन्हेगारीचं हॉटस्पॉट बनत आहे. मागील नऊ महिन्यात नाशिकमध्ये तब्बल ४४ खूनाच्या घटना घडल्या आहेत. आता यात आणखी एक भर पडली आहे. आज (मंगळवार) पहाटेच्या सुमारास नाशिक रोडच्या जय भवानी रोड परिसरात एका व्यक्तीची निर्घृण हत्या करण्यात आली आहे. हत्येची ही घटना उघडकीस येताच परिसरात खळबळ उडाली आहे. या प्रकरणी नाशिक रोड पोलीस ठाण्यात फिर्याद दाखल करण्यात आली आहे.