Navi Mumbai Fire : नवी मुंबईच्या आगीच्या घटनेत मोठी अपडेट, दिवाळीत जीव गमावलेल्या 'त्या' चौघांच्या मृत्युचं खरं कारण समोर

ऐन दिवाळीत नवी मुंबईत दोन आगीच्या घटना घडल्या होत्या. या दोन्ही घटनांनी नवी मुंबई हादरली आहे. या दोन्ही घटना रात्रीच्या सुमारास घडल्याची माहिती आहे. पहिली घटना ही नवी मुंबईच्या वाशीतील रहेजा रेसिडेन्सीमध्ये घडली होती. दहाव्या आणि बाराव्या मजल्यावर रात्रीच्या सुमारास ही आगीची घटना घडली होती. या दुर्घटनेत चार जणांचा दुर्दैवी मृत्यू झाला होता. यामध्ये दहाव्या मजल्यावर राहणाऱ्या 80 वर्षीय कमला जैन तसेच बाराव्या मजल्यावरील एकाच कुटुंबातील तीन सदस्यांचा समावेश होता.या सुंदर बालकृष्णन (40), पत्नी पूजा राजन (40) आणि वेदीका या सहा वर्षीय चिमुकलीचा आगीच होरपळून मृत्यू झाला होता. दिवाळीच्या रोषणाईत शॉर्टसर्कीटमुळे ही आग लागल्याची प्राथमिक माहिती समोर आली आहे.