BMC: मुंबई महापालिकेत अजित पवार गटाने अखेर डाव टाकला, सत्तासमीकरणात मोठा उलटफेर

मुंबई: मुंबई महानगरपालिकेच्या सत्तासंघर्षात आता एक मोठी नाट्यमय कलाटणी पाहायला मिळत आहे. निवडणुकीत महायुतीपासून दूर राहिलेल्या राष्ट्रवादी काँग्रेसने (अजित पवार गट) अखेर आपले पत्ते उघडले आहेत. आपल्या तीन नगरसेवकांचा स्वतंत्र गट नोंदवण्याचा निर्णय घेतल्याची माहिती समोर आली आहे. मात्र, राष्ट्रवादीने आपला पाठिंबा हा भाजप महायुतीला न देता शिंदे गटाला दिला आहे. त्यामुळे शिंदे गटाचं संख्याबळ वाढलं आहे. या निर्णयामुळे मुंबईच्या सत्तेत आता राष्ट्रवादीने अधिकृतपणे एन्ट्री मारली असून महापालिकेतील सत्तेची गणिते पूर्णपणे बदलली आहेत.