मढी देवस्थानच्या यात्रेत मुस्लिमांना व्यवसायबंदी, राष्ट्रवादीचा नेता कोर्टात जाणार
- Published by:Akshay Adhav
Last Updated:
Prataprao Dhakne: भटक्यांची पंढरी म्हणून ओळखल्या जाणाऱ्या मढीमध्ये पुढील महिन्यामध्ये यात्रा सुरू होत आहे.
अहिल्यानगर: भटक्यांची पंढरी म्हणून ओळखले जाणारे मढी देवस्थानच्या यात्रेत यावर्षी मढी ग्रामसभेने मुस्लीम समुदायाला व्यवसाय करण्यास बंदी घालण्याचा ठराव केल्यामुळे वाद निर्माण होण्याची शक्यता निर्माण झाली आहे. ज्याला 'भटक्यांची पंढरी' म्हणून ओळखले जाते या ठिकाणी अनेक वर्षांची परंपरेनुसार सर्व धर्मीय एकत्र येऊन हा यात्रा उत्सव साजरा करतात. मग बंदी कशासाठी? असा सवाल करीत राष्ट्रवादी काँग्रेस पक्षाचे नेते प्रतापराव ढाकणे यांनी या ठरावाच्या विरोधात कोर्टात जाण्याचा इशारा दिला आहे.
भटक्यांची पंढरी म्हणून ओळखल्या जाणाऱ्या मढीमध्ये पुढील महिन्यामध्ये यात्रा सुरू होत आहे. या यात्रेमध्ये देवाचा प्रसाद धागे बनवणे तसेच इतर वस्तू मुस्लिम बांधव बनवत असतात आणि विकतही असतात.
धार्मिकतेचे कारण देत या ठिकाणी मुस्लिम समाज मढी देवस्थानचा पवित्र भंग करतो, असं कारण देत मढी ग्रामसभेने यावर्षी मुस्लिम बांधवांना व्यवसाय करू न देण्याचा ठराव घेतला आहे. त्यामुळे यावर्षी मुस्लिम बांधव त्या ठिकाणी कुठलाही व्यवसाय करू शकत नाही, असे मढी ग्रामपंचायतीचे सरपंच संजय मरकड यांनी सांगितले.
advertisement
या प्रकरणात राष्ट्रवादीचे नेते प्रताप ढाकणे यांनी आक्रमक भूमिका घेतली आहे. या यात्रेला अनेक वर्षांची परंपरा आहे. भटक्यांची पंढरी म्हणजे जे वर्षभर फिरतात, आदिवासी मागासवर्गीय मुस्लिम सर्व धर्मीय या यात्रेची वाट पाहत असतात.
इतिहासात आत्तापर्यंत अशी घटना कधी घडलेली नाही. कोणत्या धर्मियांवर बंदी घालावी, असे कधीच घडले नव्हते. हा तेथील ग्रामस्थांचा पण विषय नाही. उगाच दोन-तीन जणांना वाटलं म्हणून हा ठराव घेतला गेला. हे संविधानाच्या विरोधात आहे. याबाबत आपण प्रशासनाकडे दाद मागणार असून प्रशासनाने कारवाई केली नाही तर न्यायालयात जाण्याचा इशारा प्रतापराव ढाकणे यांनी दिला आहे.
Location :
Ahmadnagar (Ahmednagar),Ahmadnagar,Maharashtra
First Published :
Feb 24, 2025 4:56 PM IST
मराठी बातम्या/महाराष्ट्र/
मढी देवस्थानच्या यात्रेत मुस्लिमांना व्यवसायबंदी, राष्ट्रवादीचा नेता कोर्टात जाणार
