NCP Sharad Pawar: राज्यसभा निवडणुकीआधीच शरद पवार गटाला मोठा धक्का, मराठवाड्यातलं समीकरण बदलणार

मनिष खरात, प्रतिनिधी, हिंगोली: राज्याच्या राजकारणात स्थानिक स्वराज्य संस्थांच्या निवडणुकानंतरही फोडाफोडीचे सत्र थांबण्याचे नाव घेत नसल्याचे चित्र आहे. आता हिंगोली जिल्ह्यात राष्ट्रवादी काँग्रेस शरद पवार पक्षाला मोठा हादरा बसला आहे. पक्षाचे ज्येष्ठ नेते आणि माजी मंत्री जयप्रकाश दांडेगावकर यांचे सुपुत्र आतिष दांडेगावकर यांनी आपल्या हजारो समर्थकांसह भारतीय जनता पक्षात प्रवेश करण्याचा निर्णय घेतला आहे. या पक्षबदलामुळे हिंगोलीच्या स्थानिक राजकारणात मोठी उलथापालथ होण्याची चिन्हे आहेत.