Maharashtra Assembly Election : 'निवडणुकीतच जातीसाठी माती का खाता', नितीन गडकरींचा नाव न घेता मनोज जरांगेंवर निशाणा

नितीन गडकरी यांची आज नळदुर्ग शहरात राणा पाटील यांच्या प्रचारासाठी सभा आयोजित करण्यात आली होती. या सभेत नितीन गडकरी बोलत होते. तुम्ही आजपर्यंत कधी छत्रपती शिवाजी महाराज, डॉक्टर बाबासाहेब आंबेडकर किंवा संत महंतांच्या जाती बघितल्या आहेत का? एवढेच नाही तर तुम्ही तुम्हाला भूक लागल्यावर हॉटेलमध्ये गेल्यानंतर हे कोणी बनवलंय कोणत्या जातीचा असा विचार करता का? मग राजकारणात मतदानाच्या वेळीच ही जात कुठून येते, असा सवाल नितीन गडकरी यांनी जनतेला केला होता.

पुढे गडकरी म्हणाले की, जो आपल्याला पाणी देईल विकास करेल, त्यालाच आपण मतदान केलं पाहिजे.जात व्यवस्था ही काहीच नसते मी मानत नाही, असे देखील नितीन गडकरी यांनी स्पष्ट सांगितलं आहे.