Parth Pawar Land Scam : निलंबनाचा प्रस्ताव आधीच गेला पण सूत्र हलल्याने हाताला लकवा! निलंबित तहसीलदारासंबंधी मोठी माहिती समोर

वैभव सोनवणे, प्रतिनिधी, पुणे: राज्याचे उपमुख्यमंत्री अजित पवार यांचे सुपुत्र पार्थ पवार यांच्या कंपनीला देण्यात आलेल्या जमिनीच्या प्रकरणावरून आणखी एक धक्कादायक माहिती समोर आली आहे. पार्थ पवार जमीन घोटाळा प्रकरणात निलंबित करण्यात आलेले तहसीलदार सुर्यकांत येवले यांच्या निलंबनाचा प्रस्ताव आधीच पाठवण्यात आला होता. मात्र, त्यावर कोणताही निर्णय घेण्यात आला नव्हता. आज वातावरण तापल्यानंतर तहसीलदाराचे निलंबन करण्यात आल्याची माहिती समोर आली आहे.