देवेंद्रजींना मी तसं बोललेच नव्हते, पूजा मोरेंचा कंठ दाटला, अर्ज माघारीनंतर धायमोकलून रडल्या

पुणे : मुख्यमंत्री देवेंद्र फडणवीस यांच्यावर खालच्या भाषेत मी टीका केल्याचे अनेक जण समाज माध्यमांवर लिहित आहेत. परंतु मी तसे शब्दप्रयोग केलेच नव्हते, असे सांगत आपल्यावरील आरोप पूजा मोरे यांनी फेटाळून लावले. तसेच काही लोकांनी माझ्याविरोधात षडयंत्र रचून मला उमेदवारी अर्ज माघार घ्यायला भाग पाडले, असे आरोप त्यांनी केला. गरिबाच्या घरातील मुलीने इथपर्यंत मजल मारणे सोपी गोष्ट नव्हती पण काहींना हे न बघवल्याने त्यांनी चुकीचा नरेटिव्ह पसरवून मला बदनाम केल्याचे पूजा मोरे म्हणाले.