पार्थ पवार राज्यसभेवर जाणार, प्रफुल पटेल यांची घोषणा, सुनेत्रा पवारांच्या अध्यक्ष निवडीवेळी गैरहजर राहिल्याने चर्चा

मुंबई : दिवंगत नेते अजित पवार यांचे चिरंजीव पार्थ पवार हे राज्यसभेवर जाणार असल्याची घोषणा राष्ट्रवादी काँग्रेसचे राष्ट्रीय कार्याध्यक्ष प्रफुल पटेल यांनी केली. गेल्या आठवड्यात राष्ट्रवादी काँग्रेस पक्षाच्या कोअर कमिटीची बैठक झाली. त्या बैठकीत पार्थ पवार यांना राज्यसभेवर पाठविण्यावर एकमत झाल्याची माहिती आहे. दुसरीकडे अजित पवार यांच्या निधनामुळे पक्षाच्या रिक्त झालेल्या अध्यक्षपदावर सुनेत्रा पवार यांची निवड करण्यात आली. या महत्त्वाच्या कार्यक्रमाला पार्थ पवार अनुपस्थित राहिल्याने राजकीय वर्तुळात चर्चा होत आहे.