जिथे २२ बारबाला तो डान्सबार मंत्र्यांच्या आईचा, अनिल परब यांचे सनसनाटी आरोप, रामदास कदम यांचे उत्तर

मुंबई : शिवसेना ठाकरे गटाचे नेते अनिल परब यांनी राज्य विधिमंडळाच्या पावसाळी अधिवेशनात गृहराज्यमंत्री योगेश कदम यांच्यावर सनसनाटी आरोप करून त्यांच्यासमोरील अडचणी वाढवल्या. गृहराज्यमंत्री योगेश कदम यांच्या मातोश्रींच्या नावावर मुंबईत सावली नावाचा डान्सबार असून पोलिसांनी छापा टाकून तेथून २२ बारबाला ताब्यात घेतल्याचे परब यांनी सांगितले. अनिल परब यांच्या आरोपानंतर शिवसेना नेते रामदास कदम यांनी स्पष्टीकरण दिले आहे. सावली नावाचा बार आमचा आहे. मात्र दुसऱ्या व्यक्तीला चालवायला दिल्याचे सांगत परब यांनी चुकीची माहिती सभागृहाला देऊन दिशाभूल केल्याचा पलटवार रामदास कदम यांनी केला.